ការបញ្ចេញកាយវិការ ចំណង់ចំណូលចូលនិងក្ដីស្រឡាញ់ថ្នាក់ថ្នមរបស់មនុស្សម្នាក់ដែលបង្ហាញជាលក្ខណៈមនុស្សផ្ទុយភេទដែលខ្លួនមានទាំងស្រុងនោះ គឺស្ដែងឱ្យឃើញថាបុគ្គលនោះជាមនុស្សភេទទីបី។ ភេទទីបីជាមនុស្សដែលតុបតែងខ្លួនមានទំនោរចិត្ដទៅលើគ្រប់រឿងរ៉ាវទាំងអស់ជាលក្ខណៈផ្ទុយភេទរបស់ខ្លួន ហើយចូលចិត្ដមានមនោសញ្ចេតនាស្រឡាញ់ពេញចិត្ដជាមួយតែ មនុស្សភេទដូចគ្នា។ មនុស្សប្រភេទនេះលោកអ្នកបានស្គាល់រួចមកហើយថា ជាមនុស្សដែលចូលចិត្ដស្រឡាញ់ភេទដូចគ្នា ហៅថាជាខ្ទើយ។
កត្ដាដែលធ្វើឱ្យមានភេទទីបីគឺបណ្ដាលមកពីមូលហេតុមួយចំនួន ៖
១ . កត្ដាធម្មជាតិ ៖ នេះគឺជាកត្ដាមួយដែលមិនអាចកែប្រែបានដោយងាយនោះទេ បើសិនជាបុគ្គលនោះមានចរិតលក្ខណៈ ជាមនុស្សភេទទីបីពីធម្មជាតិ។ បញ្ហានេះក៏មានទំនាក់ទំនងជាមួយនឹងអ័រម៉ូនភេទផងដែរ បើសិនជាមានបញ្ហាចំពោះការផលិតអ័រម៉ូន ភេទមិនគ្រប់គ្រាន់នឹងបណ្ដាលឱ្យមានអត្ដចរិតមិនពេញលក្ខណៈសម្រាប់ភេទរបស់ខ្លួន។ សារជាតិពីធម្មជាតិរបស់មនុស្សភេទទីបី ទោះបីជាមនុស្សស្រីឬមនុស្សប្រុសដែលមានលក្ខណៈជាមនុស្សភេទទីបី គឺចូលចិត្ដតុបតែងខ្លួនជាមនុស្សភេទផ្ទុយពីខ្លួន និងធ្វើកិច្ចការ ណាដែលមនុស្សភេទផ្ទុយពីខ្លួនចូលចិត្ដ។ និយាយជារួមមនុស្សប្រភេទនេះគឺមានចរិតជាមនុស្សភេទទីបី ហើយអាចឈានទៅដល់ការ តុបតែងជាស្រី ឬជាប្រុសតែម្ដង។
២ . កត្ដាសង្គមគ្រួសារ ៖ គ្រួសារមួយដែលមានកូនក្នុងបន្ទុកសុទ្ធតែជាមនុស្សប្រុស ហើយមានកូនស្រីតែម្នាក់ នេះក៏អាចជាបញ្ហាដែលបណ្ដាលឱ្យកូនស្រីនោះក្លាយទៅជាមនុស្សដែលមានចរិតដូចមនុស្សប្រុសផងដែរ ដោយសារតែមូលហេតុការរស់នៅជា ប្រចាំថ្ងៃជាមួយនឹងអត្ដចរិតរបស់មនុស្សប្រុសច្រើនពេក ទើបធ្វើឱ្យមានការផ្លាស់ប្ដូរអត្ដចរិត។ ចំពោះមនុស្សប្រុសវិញក៏ដូចគ្នាដែរ បើសិនជាបញ្ហានេះកើតមានឡើងក៏អាចបណ្ដាលឱ្យមានការផ្លាស់ប្ដូរអត្ដចរិតបន្ដិចបន្ដួច ឬទាំងស្រុងតែម្ដង ដោយសារសកម្មភាពរស់ នៅរាល់ថ្ងៃជាមួយមនុស្សស្រី។ បញ្ហានេះក៏មានការពាក់ព័ន្ធទៅនឹងកត្ដាធម្មជាតិផងដែរ បើសិនជាមនុស្សនោះមានចរិតជាមនុស្សស្រី ឬជាមនុស្សប្រុសពិត គឺទំនោរចិត្ដនឹងទៅរកការរាប់អានជាមនុស្សមានអត្ដចរិតពេញលក្ខណៈ ទោះបីជាយ៉ាងណាក៏មិនអាចក្លាយ ទៅជាភេទទីបីបានដែរ។
៣ . ភាពអត់ការងារធ្វើ ៖ បញ្ហានេះមិនមែនជាមូលហេតុដែលធ្វើឱ្យមនុស្សស្រីក្លាយទៅជាភេទទីបីនោះទេ តែបញ្ហានេះគឺ ផ្ដោតសំខាន់ទៅលើមនុស្សប្រុស។ បើសិនជាមនុស្សប្រុសម្នាក់មានជីវភាពខ្វះខាតប្រចាំថ្ងៃ ហើយបុរសនោះមានលក្ខណៈបន្ដិចបន្ដួចជា មនុស្សស្រី នៅពេលគ្មានការងារធ្វើក៏អាចជំរុញមនុស្សប្រុសដែលគ្មានសមត្ថភាពគ្រប់គ្រាន់ក្នុងការរកការងារ ធ្វើឱ្យក្លាយទៅជាភេទ ទីបីបានផងដែរ ដោយសារតែការងារសម្រាប់ភេទទីបីគឺមានតែការតុបតែងខ្លួនជាស្រីស្អាតឡើងបង្ហាញក្បាច់រាំស្រៀវស្រើបបង្ក អារម្មណ៍ពុះកញ្ជ្រោលសម្រាប់បុរសមួយចំនួននៅតាមក្លឹបកម្សាន្ដរាត្រីនានាតែប៉ុណ្ណោះ។ នេះជាការងារមួយដែលបុរសភេទទីបីងាយស្រួលក្នុងការរកប្រាក់កម្រៃសម្រាប់ជីវភាពរបស់ពួកគេ។
៤ . ការចង់សប្បាយឬការអូសទាញ ៖ បញ្ហានេះក៏មិនមានការទាក់ទងជាមួយមនុស្សស្រីដែរ ទោះបីជាត្រូវការសប្បាយ ភ្លើតភ្លើនយ៉ាងណាក៏មិនអាចធ្វើមនុស្សស្រីផ្លាស់ប្ដូរអត្ដចរិតទៅជាភេទទីបីនោះទេ ប៉ុន្ដែនេះជាកត្ដាយ៉ាងសំខាន់ដែលអាចធ្វើឱ្យមនុស្ស ប្រុសក្លាយទៅជាភេទទីបី។ ភាពភ្លើតភ្លើនហើយចង់ភ្លក់រសជាតិសប្បាយជាមួយភេទទីបី ពេលនោះហើយដែលបានធ្វើមនុស្សប្រុស មួយចំនួនក៏បានក្លាយទៅជាបុរសភេទទីបី ហើយប្រឡូកនឹងភាពហ៊ឹកហ៊ាក់ជាមួយក្រុមភេទទីបី។ មូលហេតុនេះដោយសារតែនៅពេល ដែលបានឃើញបុរសក្រុមភេទទីបីតុបតែងខ្លួនចូលក្នុងការងារសិល្បៈ ឬធ្វើការងារនៅតាមកន្លែងដែលមានភាពសប្បាយៗមួយចំនួន ។ ដូចនេះបញ្ហាដែលចង់សប្បាយបានធ្វើបុរសមួយចំនួនងាយធ្លាក់ខ្លួនទៅជាភេទទីបី។
គុណវិបត្ដិចំពោះភេទទីបី
សម្រាប់មនុស្សដែលក្លាយទៅជាភេទទីបីនេះបានផ្ដល់គុណវិបត្ដិជាច្រើនដូចជា ៖
– ទទួលការរិះគន់ ៖ ក្នុងសង្គម មនុស្សភាគច្រើនមិនទាន់បានឱ្យតម្លៃទៅលើភេទទីបីនោះទេ ដោយមានទស្សនៈ ថានឹងធ្វើឱ្យមានការអាប់ឱនដល់សង្គម។ កាលណាក្រុមភេទទីបីនេះចេះតែមានការកើនឡើងក្នុងសង្គមហើយកាន់តែនិយមទៅវះកាត់ប្ដូរភេទ និងមិនយកប្រពន្ធ ហើយមនុស្សស្រីនឹងមិនយកប្ដី នៅពេលនោះនឹងអាចធ្វើឱ្យសង្គមពោរពេញដោយមនុស្សភេទទីបី ហើយក៏ អាចប៉ះពាល់ទៅដល់វប្បធម៌ និងប្រពៃណីជាតិផងដែរ។ ដោយសារភាពភ្លើតភ្លើនក្នុងការប្រឡូកស្នេហាដែលមិនមានការអៀនខ្មាស ហើយឈានទៅដល់ការរួមភេទកាន់តែច្រើន ដែលអាចបណ្ដាលឱ្យអត្រានៃការរីករាលដាលនៃជម្ងឺអេដស៍នឹងកើនឡើងជាលំដាប់។ មនុស្សភេទទីបីងាយទទួលរងការរិះគន់ជាច្រើនពីសំណាក់មហាជនមួយចំនួនឥតស្រាកស្រាន្ដ។
– ការប្រឈមមុខខ្ពស់នឹងការឆ្លងមេរោគអេដស៍ ៖ ដោយការយល់ខុសពីសំណាក់បុរសភេទទីបីថា ការរួមភេទតាមរន្ធ គូទមិនមានឆ្លងជម្ងឺអ្វីនោះ បានធ្វើឱ្យស្នេហាពួកគេកាន់តែក្ដៅគគុកដោយមិនបានប្រើប្រាស់ស្រោមអនាម័យ។ ផ្ទុយទៅវិញការប្រព្រឹត្ដ កាមតណ្ហាបែបនេះគឺជាការប្រឈមមុខខ្ពស់បំផុតក្នុងឆ្លងជម្ងឺអេដស៍ និងកាមរោគ។ ដូចនេះសូមបុរសភេទទីបីទាំងអស់ត្រូវស្វែង យល់ពីចំណុចនេះឡើងវិញ គប្បីប្រើប្រាស់ស្រោមអនាម័យគ្រប់ពេលដែលមានសេចក្ដីសុខជាមួយដៃគូ។
– មិនមានលទ្ធភាពក្នុងការបង្កើតកូន ៖ បញ្ហានេះគឺផ្ដោតសំខាន់ទៅលើបុរសភេទទីបី ដែលបានធ្វើការវះកាត់ប្ដូរភេទពី មនុស្សប្រុសទៅជាមនុស្សស្រី។ ទោះបីជាបានប្ដូរអវយវៈភេទមួយចំនួនឱ្យដូចមនុស្សស្រីក៏ដោយ ក៏មិនអាចមានលទ្ធភាពបង្កើតកូន នោះទេ ហើយអ្វីជាពិសេសនោះនៅពេលដែលចង់ងាកមករកការរួមភេទជាមួយមនុស្សស្រីវិញនោះ ក៏មិនមានលទ្ធភាពឱ្យមានកូនបាន ដែរ ដោយសារតែមានការប៉ះពាល់ទៅដល់ប្រដាប់ភេទជាបុរសដែលពាក់ព័ន្ធទៅនឹងការផលិតមេជីវិតឈ្មោលក្នុងការបង្កកំណើតជា មួយមនុស្សស្រី។ បញ្ហានេះនឹងអាចជាវិប្បដិសារីអស់មួយជីវិតសម្រាប់មនុស្សប្រុសដែលមិនដឹងថា ខ្លួនជាអ្នកណា និងត្រូវការអ្វីក្នុង ឆាកជីវិតរបស់ខ្លួន។
បណ្ដាំផ្ញើ
នេះជាសារជាតិពីធម្មជាតិទៅហើយ ទោះបីជាខំកែប្រែយ៉ាងណាក៏មិនអាចទប់ស្កាត់ឱ្យក្រុមនេះបញ្ឈប់បានទេ។ នេះ ជាមនោសញ្ចេតនារបស់មនុស្សភេទទីបីដែលត្រូវប្រឈមមុខ។ តែអ្វីជាពិសេសនោះគឺរឿងដែលអាចធ្វើទៅបានចំពោះក្រុមភេទទីបី នោះគឺធ្វើខ្លួនយ៉ាងណាឱ្យក្លាយទៅជាបុគ្គលដែលមានសារៈប្រយោជន៍មួយនៅក្នុងសង្គមជាតិ ចៀសវាងយ៉ាងណាកុំឱ្យមានបញ្ហា ដោយសារខ្លួន។ មនុស្សភេទទីបីត្រូវបញ្ចេញសកម្មភាពឱ្យសង្គមដឹងថានេះគឺជាក្រុមភេទទីបីដែលបានជួយដល់ការងារសង្គមជាតិ។
Leave a Reply