ក្រុមបុរសស្រឡាញ់បុរសគឺជាក្រុមដែលប្រឈមមុខខ្លាំងនឹងការរីករាលដាលនៃជម្ងឺអេដស៍។ បុរសស្រឡាញ់បុរសយល់ថាការរួមភេទដោយបបោសអង្អែលមិនអាចមានគ្រោះថ្នាក់ទេ។ តាមពិតនេះជាការរួមភេទមួយដ៏គ្រោះថ្នាក់ដែលអាចប្រឈមមុខខ្លាំង នឹងការឆ្លងជម្ងឺអេដស៍ ព្រោះនៅពេលដែលពួកគេមិនអាចទប់អារម្មណ៍បានការប្រព្រឹត្ដកាមកិច្ចអាចធ្វើឡើងតាមមាត់ ឬតាមគូទ។
មានមនុស្សភាគច្រើនបានស្គាល់មនុស្សភេទទីបី ជាពិសេសចំពោះក្រុមបុរសធ្វើជាស្រី។ ក្រុមនេះត្រូវបានគេកត់សម្គាល់ ខ្លាំងទៅលើចរិតលក្ខណៈ ម្ញ៉ិកម្ញ៉ក់ កាច់ឫកកាច់រាងជាងមនុស្សស្រីទៅទៀត។ បើសិនជាមានតែការធ្វើកាយវិការ និងតុបតែងខ្លួនជា ស្រីគឺមិនមានបញ្ហាអ្វីគួរឱ្យព្រួយបារម្ភខ្លាំងពេកនោះទេ តែផ្ទុយទៅវិញក្រុមបុរសដែលតែងខ្លួនធ្វើស្រីនេះមានមួយចំនួនធំបានចូលខ្លួន ទៅប្រឡូកក្នុងការរួមភេទរវាងដៃគូភេទដូចគ្នាទៀតផង។ បញ្ហាដ៏ក្ដៅគគុកនេះកំពុងតែមានការវាយលុកយ៉ាងខ្លាំងចំពោះបុរសមួយចំនួនដែលមានស្មារតីមិននឹងន ដែលលង់ខ្លួនទៅតាមការភ្លើតភ្លើន ការអូសទាញ និងការចង់សាកល្បង។
តួលេខបុរសស្រឡាញ់បុរស
ចំពោះក្រុមមនុស្សដែលរួមភេទដូចគ្នានេះ បើតាមតួលេខថ្នាក់ជាតិដែលជាការប៉ាន់ប្រមាណបានបង្ហាញថា កម្ពុជាមានដល់ ទៅ១៤ម៉ឺននាក់ជាប្រភេទបុរសស្រឡាញ់បុរស។ រីឯតាមការសិក្សាស្រាវជ្រាវរបស់អង្គការធំៗចំនួនពីរនៅក្នុងប្រទេសកម្ពុជាគឺអង្គការ អេហ្វអេចអាយ ដោយបានស្រាវជ្រាវឃើញនៅចុងឆ្នាំ២០០៤មានចំនួន១៦០០នាក់ និងអង្គការខាណាក៏បានស្រាវជ្រាវឃើញមាន ចំនួន១៤០០នាក់ផងដែរ។ តួលេខរបស់អង្គការទាំងពីរនេះប្រហាក់ប្រហែលគ្នា ដូចនេះមិនទាន់មានការស្រាវជ្រាវណាមួយឱ្យជាក់់ លាក់នោះទេ មានតែការស្រាវជ្រាវរបស់ថ្នាក់ជាតិជាលក្ខណៈប៉ាន់ប្រមាណតែប៉ុណ្ណោះ។
អត្រានៃការចម្លងជម្ងឺកាមរោគតាមរយៈការរួមភេទដូចគ្នា
បើតាមការសិក្សាស្រាវជ្រាវទៅលើជម្ងឺកាមរោគរបស់ថ្នាក់ជាតិក្នុងឆ្នាំ២០០៥ បានរកឃើញក្រុមបុរសស្រឡាញ់ភេទ ដូចគ្នានេះគឺមានផ្ទុកជម្ងឺកាមរោគរហូតដល់ទៅ៨.៧ភាគរយនៅក្នុងទីក្រុងភ្នំពេញ ហើយមាន០.៨ភាគរយនៅខេត្ដបាត់ដំបង និង សៀមរាប។ បើនិយាយពីអត្រានៃជម្ងឺកាមរោគតែម្ដងគឺមានទៅដល់៩.៧ភាគរយនៅក្នុងទីក្រុងភ្នំពេញ ហើយមាន៧.៤ភាគរយនៅ បាត់ដំបង និងសៀមរាប។ ដូចនេះចំពោះក្រុមបុរសស្រឡាញ់បុរសដែលមានការរួមភេទដូចគ្នានេះគឺមានអត្រាខ្ពស់ក្នុងការចម្លងជម្ងឺកាមរោគ និងជម្ងឺអេដស៍។
ការជះឥទ្ធិពលទៅលើសង្គម
បើសិនជាមិនមានការយកចិត្ដទុកដាក់ក្នុងការអន្ដរាគមន៍ពីអង្គការ និងស្ថាបន័មួយចំនួនទៅលើបញ្ហាការរួមភេទដូចគ្នានេះ ទេ គឺអាចមានបង្កគ្រោះថ្នាក់ចំពោះសង្គមជាតិ។ ព្រោះក្រុមបុរសដែលរួមភេទដូចគ្នានេះដូចជាស្ពានចម្លងរោគពីភេទដូចគ្នាផង និង ភេទផ្ទុយគ្នាផង។ ដូច្នេះបើមិនមានការទប់ស្កាត់ទាន់ពេលនោះទេ ការចម្លងជម្ងឺអេដស៍នឹងមានសន្ទុះកើនឡើងជាលំដាប់។ បើសិនជា មិនមានការតាមដានពីសកម្មភាពរបស់ក្រុមបុរសរួមភេទភេទដូចគ្នានេះទេ នឹងអាចបង្កឱ្យសង្គមក៏ដូចជាប្រទេសជាតិទាំងមូលគ្មាន សុខុមាលភាព ប្រជាពលរដ្ឋនៅតែមានការប្រឈមមុខនឹងការឆ្លងជម្ងឺកាមរោគក៏ដូចជាជម្ងឺអេដស៍។
Leave a Reply