• បរិមាណមនុស្ស ៖ ២នាក់
• រយៈពេលរៀបចំ​គ្រឿង ៖ ១ម៉ោង
• រយៈពេល​ចម្អិន ៖ ១នាទី

គ្រឿងផ្សំ

• បង្កង ២៥០ក្រាម (គួរជ្រើសរើស​បង្កងស្រស់)
• អង្ករផ្កាខ្ញី
• ជ្រក់ល្ហុង
• ប្រេងខ្យង ១ស្លាបព្រា​កាហ្វេ
• អំបិល ១ស្លាបព្រា​កាហ្វេ
• ម្រេច ១ស្លាបព្រា​កាហ្វេ
• ត្រសក់ ១ផ្លែ
• ពងមាន់ ១គ្រាប់

របៀបធ្វើជ្រក់ល្ហុង

• ល្ហុងឈូសជាសរសៃ រួចច្របាច់​ជាមួយ​អំបិល
• ប្រលាក់ទឹកខ្មេះ ស្ករ និង​អំបិល
• ទុករយៈពេល២៤ម៉ោង ដើម្បីឱ្យ​ចូលជាតិ

វិធីធ្វើ

• ដាំបាយឱ្យឆ្អិន រួចទុក​មួយឡែក
• បង្កងយកទៅបកសម្រកលាង​ទឹកឱ្យ​ស្អាត រួចយក​ទៅត្រាំ​ជាមួយ​ប្រេងឆា​ឱ្យចូលជាតិ ដើម្បី​កុំឱ្យវា​ស្ងួតសាច់
• រួចយកបង្កងទៅប្រលាក់ជាមួយអំបិល និងម្រេច ដើម្បីកុំ​ឱ្យឆ្អាប
• យកខ្ទះចាក់ប្រេងឆាដាំឱ្យក្ដៅ រួចដាក់បង្កងចូល ឆាឱ្យ​ជិតឆ្អិន និងស្រង់​ទុកមួយ​ឡែក
• ដាក់ប្រេងខ្យង ១ស្លាបព្រាកាហ្វេ បន្លែ គោះពង​មាន់ចូល​ក្នុងខ្ទះឆា និងដាក់បាយ​ដែលបានដាំ​ឆ្អិនដំណាលគ្នា ហើយច្របល់​ចូលគ្នា​ជាការ ស្រេច។

ចំណាំ ៖

1. យើងទទួលទាន​ជាមួយ​ជ្រក់​ដើម្បី​កុំឱ្យ​ទ្រលាន់។

2. បង្កងឆ្ងាញ់ជាងគេនៅលើខួរ ដូច្នេះនៅពេលឆាបាយ ឆ្កឹះយកខួរ​បង្កងឆា​ជាមួយ​បាយ ដើម្បីឱ្យ​រស់ជាតិ​ចូលគ្នា។

3. នៅពេលដួសទទួលទានបង្កង​ត្រូវពុះ​ជា២ ដោយរៀប​ចំជ្រក់​ល្ហុង ត្រសក់ចិត​ជាចំណិត ដាក់់នៅ​ចំហៀង។