ទុំមុន​ស្រគាល

បច្ចុប្បន្ននេះ​​​យុវតីក្នុង​​​សង្គមជាតិខ្មែរ​​​​មួយចំនួន​​​មានការ​​​ភ្លើតភ្លើន​​​​នឹងការសប្បាយ​​​នូវរឿងផ្សេងៗ​​​​ដែលតែងតែ​​​កើតមាន​​​ឡើងស្ទើរ​​​រៀងរាល់ថ្ងៃ​​​​នៅក្នុងសង្គម ជាពិសេស​​​ក្នុងរឿង​​​ស្នេហា​​​តែម្ដង រហូតបាន​​​ជ្រុលជ្រួស​​​ខ្លួនប្រាណ​​​(អស់ភាពបរិសុទ្ធ)​​​មុនថ្ងៃរៀប​​​អាពាហ៍ពិពាហ៍ និង​​​ខុសពី​​​ប្រពៃណី​​​ទំនៀមទម្លាប់​​​​របស់ខ្មែរ។

រូបភាពទស្សនាវដ្តីសុខភាពយើង

ទុំមុនស្រគាល​ជាអ្វី?

ទុំមុនស្រគាល​ជាអត្ថន័យ​​នៃពាក្យស្លោក​របស់ខ្មែ្មរ​យើង ដោយ​ប្រៀបធៀប​អត្ថន័យ​​ទៅនឹង​កូនស្រី ដែល​ប្រព្រឹត្ដ​នូវរឿង​មិនគប្បី​រហូត​ជ្រុលជ្រួសខ្លួនប្រាណ​មុនថ្ងៃរៀប​អាពាហ៍​ពិពាហ៍ និង​ធ្វើខុសពី​ប្រពៃណី​ទំនៀម​ទម្លាប់​​របស់ខ្មែរ​យើង។

មូលហេតុដែលបង្កឱ្យ​យុវតីធ្វើខុសពី​ប្រពៃណីទំនៀមទម្លាប់

នៅក្នុងសង្គមខ្មែរនាពេលបច្ចុប្បន្ននេះ យុវតីខ្មែរ​មួយចំនួន​បាន​ជ្រុលជ្រួស​ខ្លួនប្រាណ​(អស់ភាព​បរិសុទ្ធ)​មុនថ្ងៃ​រៀប​អាពាហ៍​ពិពាហ៍​​ដោយ​មាតាបិតា​មិនទាន់បាន​ផ្សំផ្គុំ​ផង។ មាន​ន័យថា​វប្បធម៌ និង​ប្រពៃណី​របស់​បរទេស ជាពិសេស​វប្បធម៌​នៅប៉ែក​អឺរ៉ុប​បានជ្រាប​ចូលក្នុង​ផ្នត់គំនិត​​របស់​ប្រជាពលរដ្ឋ​ខ្មែរ ជាពិសេស​គឺយុវវ័យ និង​យុវតី​តែម្ដង។ បើ​និយាយពី​សម័យកាល​ពីដើម​វិញ ការ​ទទួលយក​នូវ​ព័ត៌មាន​បច្ចេកវិទ្យា​​មាន​លក្ខណៈ​តូចចង្អៀត និង​មិនសូវធំ​ទូលាយ​ដោយ​ប្រព័ន្ធ​ព័ត៌មាន​មិនទាន់​ទំនើប​ដូចបច្ចុប្បន្ន​នេះ។ បច្ចុប្បន្ននេះ​​ប្រព័ន្ធ​នៃការ​ផ្សព្វផ្សាយ ឬ​បច្ចេក​វិទ្យា​ព័ត៌មាន​មាន​លក្ខណៈ​ទំនើប និង​ធំទូលាយ ដូច្នេះ​ហើយ​បានជា​យុវវ័យ និង​យុវតី មានការ​ជ្រួល​ជ្រើម ចង់យ​ល់ ចង់ដឹង​នូវបញ្ហា​ផ្សេងៗ​ដែល​តែងតែ​កើតមាន​ឡើង​​ឥតឈប់​ឈរ។ កត្ដា​មួយទៀត​គឺបណ្ដាល​មកពី​មាតាបិតា ឬ​អាណាព្​យាបាល​មានការ​អប់រំកូន​ស្រី​មាន​លក្ខណៈ​ធូររលុង និង​មិនសូវ​តឹងរឹង​​ដូច​សម័យ​កាលពី​ដើមឡើយ។

ផលប៉ះពាល់ដល់សង្គម និងក្រុមគ្រួសារ

១ . ក្រុមគ្រួសារ ៖ប្រសិនបើ​យុវវ័យ និង​យុវតីខ្មែរ​ធ្វើបែប​នេះ​ពិតជា​មានផល​លំបាក​​សម្រាប់​ប្រទេសជាតិ និង​បង្កឱ្យមាន​ផល​ប៉ះពាល់ ទាំង​ប្រពៃណី​ទំនៀម​ទម្លាប់​​របស់ខ្មែរ និងភាពអា​ប់ឱន​កិត្ដិយស​​ក្រុម​គ្រួសារ​ទៀតផង។ ពេល​ដែល​មាតាបិតា ឬ​អាណាព្​យាបាល​បានដឹង​ពីកំហុស​ឆ្គង​ថា​កូនស្រី​របស់ខ្លួន​បានធ្វើ​ខុសពី​ប្រពៃណី មាតាបិតា​ពិតជាមាន​សេចក្ដី​អាម៉ាស​​ណាស់​ចំពោះ​ញាតិ មិត្ដ​ជិតខាង ជាពិសេស​ក្រុមគ្រួសារ​សាច់ញាតិ​​របស់ខ្លួន​ដែល​អប់រំ​កូន​របស់​ខ្លួនមិនបាន​ល្អ។

រូបភាពទស្សនាវដ្តីសុខភាពយើង

២ . សង្គម ៖កូនស្រីដែ​លបានជ្រុលជ្រួស​ខ្លួនប្រាណ​មុនថ្ងៃរៀបការ ពិតជាខុស​ពីប្រពៃណី​ទំនៀម​ទម្លាប់​ខ្មែរ ដែលខ្មែរ​និយម ហៅថា ទុំមុនស្​រគាល។ យុវវ័យខ្មែរ​មួយចំនួន​យល់ឃើញ​ថា មានស្នេហា​គឺជា​សេចក្ដី​សប្បាយ​​ដោយ​មិនគិត​ដល់រឿង​អនាគត​របស់ខ្លួនទេ ចេះតែ​បណ្ដោយ​ខ្លួនទៅៗ រហូត​បាន​ជ្រុលជ្រួស​ខ្លួនប្រាណ​​មុនថ្ងៃ​រៀបអាពាហ៍ពិពាហ៍។ ដោយ​បុរសខ្លះ​យកស្នេហា​ជាល្បែង​​លេងសើច មានន័យ​ថា​ពេលដែ​លបាន​ខ្លួនប្រាណ​របស់​នារី​ដែល​ជាសង្សារ​បែរជា​មិនមាន​ការ​​ទទួល​ខុសត្រូវ។ ហេតុនេះ​ហើយធ្វើ ឱ្យ​នារីដែល​ជាអ្នក​ខាតបង់​ខ្លួនប្រាណ​(ព្រហ្មចារី) មាន​អារម្មណ៍​គិតនូវ​អំពើផ្សេងៗ​​ដែលតែង​តែកើតមាន​​ឡើង​នៅក្នុង​សង្គម មានដូចជា មាន​អារម្មណ៍​ខ្មាសញាតិ​ជិតខាង ក្រុមគ្រួសារ​របស់ខ្លួន មិត្ដភក្ដិ ចំពោះ​ការមាន​ផ្ទៃពោះ​ដោយ​ភាគី​បុរស​ជាសង្សារ​មិនទទួល​ខុសត្រូវ​នូវទង្វើ​ដែលខ្លួន​បានធ្វើ។ ព្រមទាំង​មាន​សតិអារម្មណ៍​​ច្របូល​ច្របល់គ្នា អាច​ឈានទៅដល់​ការបញ្ចប់​ជីវិត(​អត្ដឃាដ)​តាម​របៀប​ផ្សេងៗ ដែលអាច​ធ្វើទៅបាន។ កត្ដា​ទាំងនេះ​ហើយ​ដែលជា​ហេតុបង្ក​​ឱ្យមាន​ផល​ប៉ះពាល់​យ៉ាង​ធ្ងន់ធ្ងរ​ទៅដល់​បញ្ហា​ក្នុងសង្គម​ជាតិខ្មែរ និងក្​រុមគ្រួសារ។

វិធីការពារកុំឱ្យ​កើតមានបញ្ហា​នេះនៅក្នុងសង្គមខ្មែរ

ដើម្បី​ទប់ស្កាត់​កុំឱ្យ​កើតមាន​ឡើងនូវ​​បញ្ហានេះ​ក្នុងសង្គម​ជាតិខ្មែរ មាតាបិតា ឬ​អាណាព្យាបាល​គ្រប់រូប​​គួរតែ​មាន​វិធានការ ដ៏​តឹងរ៉ឹង​ចំពោះ​កូន ជាពិសេស​គឺកូនស្រី​តែម្ដង។ អាណាព្​យាបាល​មិនគួរ​ស្រឡាញ់​កូន​ហួស​ហេតុពេក ព្រោះអាច​បណ្ដាល​ឱ្យ​កូន​របស់ខ្លួន បានចិត្ដ​ទៅជាខូច។ មាតាបិតា​រកលុយ​ដើម្បី​ចិញ្ចឹមកូន​​ឱ្យកូន​រៀនសូត្រ​បានជ្រៅជ្រះ​នឹងគេ ប៉ុន្ដែ​មាតាបិតា​គួរមាន​ពេលវេលា​​នៅជិតកូន​ឱ្យ​បាន​ច្រើន​ជាងការងារ​ប្រចាំថ្ងែ ព្រោះ​វាមាន​ភាពកក់ក្ដៅ​​នៃក្នុង​ក្រុមគ្រួសារ​មួយ។ ប៉ុន្ដែប្​រសិន​បើមាតាបិតា ឬ​អាណាព្យាបាល មិនមាន​ពេលវេលា​គ្រប់គ្រាន់​​នៅជាមួយកូ​ន(ភាពជិតស្និទ្ធ)​ឱ្យបាន​ច្រើនទេ មាតាបិតា​រវល់តែ​ជាប់​បំពេញ​ភារកិច្ច​ការងារ ឬប្រកប​មុខរបររកស៊ីផ្សេងៗ គ្មាន​ពេលវេលា​គ្រប់គ្រាន់​​នៅជាមួយ​កូន កូនគ្មាន​ភាពកក់ក្ដៅ​​ក្នុង​ក្រុមគ្រួសារ ជាហេតុធ្វើ​ឱ្យ​កូន​របស់ខ្លួន​គិតតែ នូវ​រឿង​សប្បាយ​ផ្សេងៗ​ជាមួយ​មិត្ដភក្ដិ ឬ​ជាមួយ​សង្សារ​របស់ខ្លួន​ទៅវិញ។

ដំបូន្មាន​របស់អ្នកប្រឹក្សា

កូនប្រុស​កូនស្រី​ធ្វើអ្វី កុំធ្វើ​តែតាម​អំពើចិត្ដ និងតាម​គំនិត​របស់ខ្លួន ធ្វើអ្វី​ត្រូវគិត​ពីច្បាប់​សង្គម ប្រពៃណី ទំនៀម​ទម្លាប់ របស់​ខ្មែរ និង​គ្រួសារ ព្រោះយើង​ជាខ្មែរ ជាកូនខ្មែរ​មិនត្រូវ​ធ្វើខ្លួន​​ដូច​បរទេស​ទេ។ បើជាកូន​ត្រូវធ្វើ​ជាកូនល្អ​​របស់​មាតាបិតា មិនត្រូវ ធ្វើ​ជាកូន​អកតញ្ញូ​ទេ មិនត្រូវធ្វើ​អ្វីតាម​តែអំពើចិត្ដ​​របស់ខ្លួន​ឯងឡើយ។ កូនស្រី​ដែលមិន​ស្ដាប់ដំបូន្មាន​​របស់​មាតាបិតា ភាគច្រើន​តែង តែ​ទទួលរង​នូវវិបត្ដិ​ផ្សេងៗ ឧស្សាហ៍​កើតមាន​ឡើង ដូចជា​បើជា​ស្រីអាច​ទៅជាស្ដ្រី​មេម៉ាយ មានកូន​អត់ប្ដី និង​ទទួលរង​នូវវិបត្ដិ​ផ្សេងៗ ដោយ​បញ្ហានេះ​កើតមាន​ឡើង​ដោយ​សារតែ​កូនមិន​ស្ដាប់ដំបូន្មាន​របស់មាតាបិតា។ ដូចនេះកូន​ប្រុសកូន​ស្រីត្រូវ​គិតពី​​អនាគត​របស់ខ្លួន និងត្​រូវយល់ដឹង​ពីទឹកចិត្ដ​​របស់​មាតាបិតា ហើយ​រស់នៅ​មិនគិតតែ​រឿង​សប្បាយ​ពេកទេ ត្រូវធ្វើខ្លួន​ជាមនុស្ស​ល្អ ជាកូនល្អ​របស់ មាតាបិតា ជាសិស្ស​ល្អរបស់​គ្រូ ជាប្រជាពលរដ្ឋល្អ​នៅក្នុង​សង្គម និងត្រូវ​រក្សាប្រពៃណី​ទំនៀមទម្លាប់​​របស់ខ្មែរ​ឱ្យបានល្អ។

ប្រភព ៖ ទស្សនាវដ្តី សុខភាពយើង លេខ៦៥ ខែមិថុនា ឆ្នាំ២០១១

Google Analytics Alternative