លោកអ្នកបានយល់ដឹងរួចមកហើយអំពីចលនាចំនួន១៥ នៃក្បួនហាត់ប្រាណពង្រាបក្បាលពោះនៅក្នុង ទស្សនាវដ្ដី សុខភាពយើង លេខមុនៗនេះ។
ជាកិច្ចបន្ដ សូមបន្ដស្វែងយល់ និងហាត់ចលនាទី១៦ជាបន្ដទៅទៀត។
ចលនាទី១៦ ៖ ទាញជើងមកក្បាល កជើងខ្វែងគ្នា
ជំហរហាត់ ៖ មានកាយវិការដែលជាជំហរហាត់ ដូចគ្នានឹងចលនាទី១៥ដែរ តែជើងទាំងពីរពន្លាបន្ដឹងបាតជើងឡើងលើ។
របៀបហាត់ ៖ ដូចគ្នានឹងចលនាទី១៥ដែរ តែសូមធ្វើចលនាបន្ដឹងជើងទាំងពីររាងស្ទើរត្រង់ ឬត្រង់ទាំងស្រុងបាតជើងឡើង លើបើអាចធ្វើបាន។ ចលនានេះមានសភាពលំបាកជាងចលនាមុន។
ចំនួនហាត់ ៖ សូមធ្វើចលនាកជើងស្ដាំលើកជើងឆ្វេងឱ្យបាន១០ដង កជើងឆ្វេងលើកជើងស្ដាំឱ្យបាន១០ដងដែរ។ បន្ទាប់មក សូមសម្រាក៥វិនាទី ហើយសូមបន្ដធ្វើ២លើកបន្ថែមទៀត។
គោលបំណង ៖ ការទាញពន្លាជើងបន្ដឹងត្រង់ បង្កើនការលំបាកមួយកម្រិតទៀតដល់សាច់ដុំខំប្រឹង។ ក្បាលពោះត្រូវខំទាញ អូសទម្ងន់ទាំងនោះបន្ថែមទៀត។
បើចង់ដឹងព័ត៌មានបន្ថែម សូមស្វែងរកអានសៀវភៅ “ក្បួនហាត់ប្រាណពង្រាបក្បាលពោះ”
(សូមបន្ដអានចលនាបន្ទាប់)
ដោយ ៖ វេជ្ជ. លី ចេងហ៊ុយ
ដកស្រង់ ៖ សៀវភៅ “ក្បួនហាត់ប្រាណពង្រាបក្បាលពោះ” និពន្ធដោយវេជ្ជបណ្ឌិត លី ចេងហ៊ុយ បោះពុម្ពនៅខែកុម្ភៈឆ្នាំ២០០៨ ដោយទស្សនាវដ្ដី សុខភាពយើង និងក្រុមកាឡាក់ស៊ី
ប្រភព ៖ ទស្សនាវដ្តី សុខភាពយើង លេខ៤៦ ខែវិច្ឆិកា ឆ្នាំ២០០៩
Leave a Reply