លោកអ្នកបានយល់ដឹងរួចមកហើយអំពីចលនាចំនួន១៧ នៃក្បួនហាត់ប្រាណពង្រាបក្បាលពោះនៅលើទំព័រទស្សនាវដ្ដី សុខភាពយើង លេខមុនៗនេះ។
ជាកិច្ចបន្ដ សូមបន្ដស្វែងយល់ និងហាត់ចលនាទី១៨ជាបន្ដទៅទៀត។
ចលនាទី១៨ ៖ រុញផ្ទុប
ជំហរហាត់ ៖ សូមដេកផ្ងារ ជើងទាំងពីរផ្ទឹមគ្នា ក្បាលជង្គង់បត់មកដើមទ្រូង ប្រអប់ជើងទាំងពីរលើកផុតបំផិតកម្រាល។ ប្រអប់ដៃទាំងពីរទ្រោបលើភ្លៅ។
របៀបហាត់ ៖ សូមធ្វើចលនាទាញក្បាលជង្គង់មករកដើមទ្រូង ដោយយកប្រអប់ដៃទាំងពីររុញភ្លៅ ដើម្បីទប់ស្កាត់ចលនា ជើង។
ចំនួនហាត់ ៖ សូមធ្វើចលនារុញផ្ទុបនេះឱ្យបាន៣លើក ដែលក្នុងមួយលើកឱ្យបានចំនួន១០ដង។
សូមប្រុងប្រយ័ត្ន ៖ សូមកុំរួញ ឬរមួលខ្នងម្ដុំទ្រូង កញ្ចឹងក និងសាច់ដុំខ្នងត្រាប៉ែស។
ដំណកដង្ហើម ៖ សូមដកដង្ហើមឱ្យបានត្រឹមត្រូវ ទើបប្រសើរ។ ដំណកដង្ហើមត្រូវមានសង្វាក់ ៖ ដកដង្ហើមចូល ទប់ដង្ហើម ធ្វើ ចលនារុញផ្ទុប ដកដង្ហើមចេញ បន្ធូរចលនា។
បើចង់ដឹងព័ត៌មានបន្ថែម សូមស្វែងរកអានសៀវភៅ “ក្បួនហាត់ប្រាណពង្រាបក្បាលពោះ”
សូមបន្ដអានចលនាបន្ទាប់
ដោយ ៖ វេជ្ជ. លី ចេងហ៊ុយ
ដកស្រង់ ៖ សៀវភៅ “ក្បួនហាត់ប្រាណពង្រាបក្បាលពោះ” និពន្ធដោយវេជ្ជបណ្ឌិត លី ចេងហ៊ុយ បោះពុម្ពនៅខែកុម្ភៈឆ្នាំ២០០៨ ដោយទស្សនាវដ្ដី សុខភាពយើង និងក្រុមកាឡាក់ស៊ី
ប្រភព ៖ ទស្សនាវដ្តី សុខភាពយើង លេខ៤៧ ខែធ្នូ ឆ្នាំ២០០៩
Leave a Reply