លោកអ្នកបានយល់ដឹងរួចមកហើយអំពីចលនាចំនួន២០ នៃក្បួនហាត់ប្រាណពង្រាបក្បាលពោះ នៅក្នុងទស្សនាវដ្ដី សុខភាពយើង លេខមុនៗនេះ។
ជាកិច្ចបន្ដ សូមបន្ដស្វែងយល់ និងហាត់ចលនាទី២១ជាបន្ដទៅទៀត។
ចលនាទី២១ ៖ ជើងម្ខាងត្រង់ ជើងម្ខាងទៀតបត់អង្កុញ
ជំហរហាត់ ៖ សូមដេកផ្ងារ ប្រអប់ដៃទាំងពីរកើយក្បាល ក្បាលជង្គង់បត់អង្កុញទៅរកដើមទ្រូង។ ចង្កេះត្រូវផ្អឹបជាប់នឹងកម្រាល។
របៀបហាត់ ៖ សូមងើបក្បាលយកកែងដៃស្ដាំទៅទល់នឹងក្បាលជង្គង់ខាងឆ្វេង ចំណែកជើងស្ដាំសូមបន្ដឹងត្រង់បន្ដិចម្ដងៗទៅក្រោម។ ជាបន្ដសូមយកកែងដៃឆ្វេងទៅទល់ក្បាលជង្គង់ស្ដាំ ជើងឆ្វេងបន្ដឹងត្រង់វិញមក។
ចំនួនហាត់ ៖ សូមធ្វើចលនានេះស្ដាំឆ្វេងឱ្យបាន២០ដង។ បន្ទាប់មកសូមសម្រាកមួយសន្ទុះហើយសូមបន្ដធ្វើឱ្យបាន២លើក ថែមទៀត ដែលក្នុងមួយលើកចំនួន១០ដង។
សូមប្រុងប្រយ័ត្ន ៖ សូមកុំចង្កោងខ្នង ហើយសូមកុំភ្លេចបន្ធូរកញ្ចឹងក នៅចុងបញ្ចប់នៃចលនាហាត់នេះ។
គោលបំណង ៖ ចលនាហាត់ខ្លាំងបង្កចលនាសាច់ដុំពោះប៉ែកខាងលើម្ដុំក្រពះ។
បើចង់ដឹងព័ត៌មានបន្ថែម សូមស្វែងរកអានសៀវភៅ “ក្បួនហាត់ប្រាណពង្រាបក្បាលពោះ”
សូមបន្ដអានចលនាបន្ទាប់
ដោយ ៖ វេជ្ជ. លី ចេងហ៊ុយ
ដកស្រង់ ៖ សៀវភៅ “ក្បួនហាត់ប្រាណពង្រាបក្បាលពោះ” និពន្ធដោយវេជ្ជបណ្ឌិត លី ចេងហ៊ុយ បោះពុម្ពនៅខែកុម្ភៈឆ្នាំ២០០៨ ដោយទស្សនាវដ្ដី សុខភាពយើង និងក្រុមកាឡាក់ស៊ី
ប្រភព ៖ ទស្សនាវដ្តី សុខភាពយើង លេខ៥៣ ខែមិថុនា ឆ្នាំ២០១០
Leave a Reply