- បរិមាណមនុស្សទទួលទាន ១នាក់
- រយៈពេលចម្អិន ២នាទី
- រយៈពេលរៀបចំគ្រឿងផ្សំ ១០នាទី
គ្រឿងផ្សំ
- បង្គា ១៥០ក្រាម
- ត្រសក់ ៥០ក្រាម
- ស្ពៃក្ដោបពណ៌ស ៣០ក្រាម
- ស្ពៃក្ដោបពណ៌ស្វាយ ៣០ក្រាម
- ប៉េងប៉ោះ ៥០ក្រាម
- ជីគ្រប់មុខ ១០ក្រាម
- សណ្ដែកដីលីង ១ស្លាបព្រាបាយ
- ទឹកស៊ុបរំដេង ៨ស្លាបព្រាបាយ
- រំដេង ៣ចំណិត
- ខ្ទឹមស ៥ក្រាម
- ខ្ទឹមក្រហម ៥ក្រាម
- ទឹកត្រី ២ស្លាបព្រាបាយ
- ទឹកខ្មេះ ១ស្លាបព្រាបាយកន្លះ
របៀបរៀបចំគ្រឿងផ្សំ
- បង្គាបកសម្បកចេញលាងឱ្យស្អាត ហើយយកទៅប្រឡាក់ជាមួយប្រេងខ្យង ស្ករត្នោត ម្រេច ហើយយកទៅអាំង។
- ត្រសក់លាងទឹកឱ្យស្អាត ហើយឈូសជាសរសៃៗ
- ស្ពៃក្ដោបស និងស្ពៃក្ដោបស្វាយលាងទឹកឱ្យស្អាត ហើយឈូសជាសរសៃៗ
- ប៉េងប៉ោះលាងទឹកឱ្យស្អាត ហើយកាត់ជាសរសៃៗ
- ជីគ្រប់មុខលាងទឹកឱ្យស្អាត ហើយបេះយកតែស្លឹក
- រំដេងហាន់ឱ្យល្អិត ហើយយកទៅបុកឱ្យម៉ដ្ឋ ពូតយកតែទឹក
- ខ្ទឹមក្រហម និងខ្ទឹមសលាងទឹកឱ្យស្អាត ចិញ្ច្រាំឱ្យម៉ដ្ឋហើយយកទៅត្រាំជាមួយទឹកខ្មេះ
- មុននឹងក្លាយទៅជាទឹកជ្រលក់រំដេង ជាដំបូងត្រូវយកទឹករំដេងដាក់លាយជាមួយទឹកខ្មេះដែលត្រាំជាមួយខ្ទឹមលាយចូល គ្នា ហើយត្រូវដាក់ទឹកត្រីចូលជាការស្រេច។
របៀបធ្វើ
ជាដំបូងយកបន្លែទាំងអស់ដែលមានត្រសក់ ស្ពៃក្ដោបពណ៌ស ស្ពៃក្ដោបពណ៌ក្រហម ប៉េងប៉ោះ ជីគ្រប់មុខលាយចូលគ្នា បន្ទាប់មកត្រូវដាក់បង្គាចូលស្រូបទឹកសុះរំដេង ហើយច្របល់ចូលគ្នាឱ្យសព្វ ទើបដាក់សណ្ដែកដីចូល រួចដួសដាក់ចានជាការស្រេច។
បញ្ជាក់ ៖ ម្ហូបនេះអាចទទួលទានបានជាមួយបាយស ឬអាចធ្វើជាគ្រឿងក្លែមក៏បាន។
ប្រភព ៖ ទស្សនាវដ្តី សុខភាពយើង លេខ៥២ ខែឧសភា ឆ្នាំ២០១០
Leave a Reply