ការកែសម្ផស្សមិនត្រឹមតែធ្វើឱ្យលោកអ្នកទទួលបានសម្រស់ដ៏ស្រស់ស្អាតដូចក្ដីបំណងប្រាថ្នានោះទេ វាថែមទាំងផ្ដល់នូវក្ដី ជឿជាក់ និងភាពទាក់ទាញផងដែរ។ មនុស្សគ្រប់វ័យដែលបានយកចិត្ដទុកដាក់ចំពោះបញ្ហាសម្រស់របស់ខ្លួន មួយចំនួនបានសម្រេច ចិត្ដធ្វើការបន្ដឹងស្បែកដើម្បីលុបបំបាត់ស្នាមជ្រីវជ្រួញទាំងឡាយ។ ស្នាមជ្រីវជ្រួញអាចបណ្ដាលមកពីការវិវឌ្ឍន៍ទៅតាមអាយុកាល និងមួយចំនួនទៀតអាចមានស្បែកជ្រីញជ្រួញមុនវ័យ ភាគច្រើនបណ្ដាលមកពីការថែទាំស្បែកមិនបានដិតដល់ បណ្ដាលឱ្យស្បែកត្រូវ នឹងកម្ដៅថ្ងៃច្រើន។ 
បន្ដឹងស្បែកដើម្បីបំបាត់ស្នាមជ្រីវជ្រួញ
ការបន្ដឹងស្បែកដើម្បីបំបាត់ស្នាមជ្រីវជ្រួញជាការពេញនិយមចំពោះលោកអ្នកមួយចំនួន។ ការបន្ដឹងស្បែកគឺមានច្រើនវិធី រួមមានការប្រើថ្នាំបំបាត់ស្នាមជ្រួញ ការខាត់ស្បែក ការប្រើឡេស៊ើ និងការវះកាត់ជាដើម។ ក្រោយធ្វើការបន្ដឹងស្បែកដោយវិធី ប្រភេទណាមួយ គឺចាំបាច់ត្រូវការពារស្បែកលោកអ្នកនឹងកម្ដៅថ្ងៃឱ្យបានល្អ។ ទន្ទឹមនឹងនោះក៏ត្រូវទប់ស្កាត់ភាពជ្រីវជ្រួញដោយ ប្រើជាប្រភេទម៉ឆើរ៉ាយស៊ើារ ដើម្បីបំប៉នស្បែក និងការពារកម្ដៅថ្ងៃផងដែរ។ ប្រភេទម៉ឆើរ៉ាយស៊ើររអាចជាឡេលាបស្បែក ថ្នាំ ដែលយកចេញពីធម្មជាតិ។
ថែទាំដើម្បីស្អាតបានយូរ
ធម្មតាទោះបីការបន្ដឹងស្បែកដងខ្លួន ដោយការវះកាត់ឬការប្រើឡេស៊ើ្រក៏ដោយវានឹងត្រឡប់ទៅរកភាពដើម ដែល អាស្រ័យទៅលើការថែទាំ។ បើសិនជាលោកអ្នកមានការថែទាំបានដិតដល់និងត្រឹមត្រូវនោះ ការជ្រីវជ្រួញមកវិញម្ដងទៀតមាន រយៈពេលយូរឆ្នាំ ហើយភាពស្រស់ស្អាតនឹងរក្សាបានរយៈពេលយូរ។ បើមានបញ្ហាស្បែកជ្រីញជ្រួញម្ដងទៀត លោកអ្នកអាចធ្វើការ បន្ដឹងឡើងវិញម្ដងទៀត។
បន្ដឹងស្បែកអាចបង្កគុណវិបត្ដិ
ការដែលបន្ដឹងឡើងវិញម្ដងមិនមែនជាបញ្ហានោះទេ អ្វីដែលជាបញ្ហានោះគឺការប្រឈមនឹងផលប៉ះពាល់មួយចំនួន ព្រោះ បើសិនជាអ្នកជម្ងឺបន្ដឹងស្បែកញឹកញាប់ពេក ហួសពីការកំណត់របស់អ្នកជំនាញ នោះនឹងអាចបណ្ដាលឱ្យស្បែកលោកអ្នកប្រតិកម្ម ឡើងក្រហម ឬក៏រលាកស្បែកជាដើម។ ចំពោះឡេស៊ើណរក៏ដូចគ្នាដែរ ឡេស៊ើបរខ្លះធ្វើញឹកញាប់ពេកមិនល្អ ព្រោះមានកម្រិតថាត្រូវធ្វើ ប៉ុន្មានដងក្នុងមួយខែឬមួយសប្ដាហ៍ ហើយប្រើបានសម្រាប់ស្បែកប្រភេទណា។ បើមិនបានទទួលការពិនិត្យ និងព្យាបាលពីអ្នក ជំនាញឱ្យបានត្រឹមត្រូវនោះទេ គឺងាយបង្កឱ្យមានគុណវិបត្ដិណាស់។
ដំបូន្មានអ្នកជំនាញ
វិធីដែលល្អនោះគឺលោកអ្នកត្រូវមកជួបពិគ្រោះជាមួយអ្នកជំនាញឱ្យបានត្រឹមត្រូវថា ជាស្បែកស្ថិតក្នុងប្រភេទណា និងជ្រួញ កម្រិតណា ហើយអាចធ្វើឡេស៊ើបរប៉ុន្មានដងក្នុងមួយខែ ឬមួយសប្ដាហ៍ គួរថែទាំដូចម្ដេច។
ប្រភព ៖ ទស្សនាវដ្តី សុខភាពយើង លេខ៤៩ ខែកម្ភៈ ឆ្នាំ២០១០
Leave a Reply